المواضيع الأخيرة
»  الايمان خلاصة الفطرة السليمة.......(حكم واقوال بعض الاعراب)
الثلاثاء مايو 07, 2013 3:38 pm من طرف معز قرني

» مولد الهدى
الأحد يناير 06, 2013 5:24 pm من طرف معز قرني

» رحيق الأزمنه-وأسماء في حياة الشكابة
الإثنين أغسطس 20, 2012 1:29 pm من طرف هندي الزبير

» شهر رمضان المبارك
الأربعاء يوليو 25, 2012 5:18 am من طرف الوسيله بابكر

» موضوع دمه تقيل
الأحد يوليو 22, 2012 10:28 pm من طرف ابو تمام جعفر

» ادب الحماسة وأثره في انسان السودان
الثلاثاء يونيو 05, 2012 4:22 pm من طرف هندي الزبير

» شعر في قبيلة الكواهلة
الأربعاء أبريل 25, 2012 4:50 am من طرف زاهر محمد

» أجمل الكلمات وأصدق العبارات (1)
الأربعاء فبراير 01, 2012 3:50 am من طرف عيدالله البلك

» مبروك التأهل للدرجة الثالثة
الإثنين يناير 30, 2012 3:28 pm من طرف الوسيله بابكر

بحـث
 
 

نتائج البحث
 


Rechercher بحث متقدم

التبادل الاعلاني
احداث منتدى مجاني
pubarab

ليس لجرح بميت إيلام

اذهب الى الأسفل

ليس لجرح بميت إيلام

مُساهمة  هندي الزبير في الجمعة مارس 12, 2010 12:28 am

وطنى هم البسوك دثار ذل منقدم الخفيف زفوك تاج العز ،فخر العز مجد العز شمس العز، عز العز،،،وصبوا فى دماك عصارة الكذب الكبير؟؟؟؟؟؟؟



لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان

لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان

لو طالعتك إعلانات شركات (مسئول) كبير وهو لا زال (فى الخدمة)… تبقى أنت
أكيد فى السودان

لو (لبد) ليك شرطى (مرور) فى نهاية شارع(إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد في السودان

لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان

لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد
شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد في السودان

لو لقيت فى بلد (الصحف) بتتقفل بى (ماده) فى القانون (معموله)
للمطاعم …تبقى أنت أكيد فى السودان

لما تلاقى الترزي كاتب على باب المحل بتاعو آيه بتقول ( وفصلنا كل شئ
تفصيلا) صدق الله العظيم … تبقى أنت أكيد في السودان

لما تخلص تدخل (مكان) وتيجى تركب عربيتك تلاقى (المساحات) مرفوعه
عشان تعرف على طول انو فى واحد مسحها ليك وح ياخد منك ألف جنيه … تبقى أنت أكيد فى السودان

لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان

لو زوجة الوزير مليانة دهب بتتجدع بيه بالعلن في الشارع من غير حساب وأطفالها يملطشوا اولاد الجيران أكيد إنت في السودان
لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان

لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية أكيد أنت في السودان

لو لقيت أنو وزارة الداخلية عندها مؤسسات (تعليمية) ووزارة التعليم عندها
مؤسسات (صحية) ووزارة الصحة عندها (شركات إنشائية)… تبقى أنت أكيد في السودان

لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى )تبقى أنت أكيد في السودان

لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة أنت أكيد فى السودان

لو توقفت (الحركة) إثناء ساعات (الذروة) وإكتشفت أن السبب (رقشه) …. تبقى أنت أكيد فى السودان


لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله …. تبقى أنت أكيد فى السودان

لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان

لو تقدم إبنك (المهندس) لشغل وظيفة وكان (الإنترفيو) عن (صلاة
الجنازة)تبقى أنت أكيد فى السودان

لو (فجأة) إكتشف (المسئولون) أن (الخريف) على الأبواب …. تبقى أنت أكيد فى السودان

لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو
(الدكتور) كان ماسك الأشعة (بالمقلوب) …. تبقى أنت أكيد فى السودان

لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان

لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان


لو لقيت لوري التراب وكومر البلدية من سنة 50 شغال بالاضافة للرقشة في نفس الشارع اكيد انت من السودان

لو وجدت أن رؤساء (الأحزاب) هم (رؤساء) مدى الحياة …. تبقى أنت أكيد فى السودان

لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان

لوقريت الكلام دا وما علقت ولا جنيت وكنت بارد شديد ومستسلم أكيد أنت من السودان
avatar
هندي الزبير

عدد المساهمات : 90
تاريخ التسجيل : 27/02/2010
مكان الاقامة (البلد /الولاية) : شلعوها القحاطنة-ريفى حريملا- K:S:A

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ليس لجرح بميت إيلام

مُساهمة  Mogahid Abujaka في السبت مارس 13, 2010 1:50 am

الاخ هندي اسألك سؤال واحد من غيرنا قادر علي نقد ذاتة وعلي العلن اكيد السودانيين , وكما فعلت أنت الان , لانو أنت نظرت للربع الفاضي من الكوب وليس النصف وكما هنالك العديد من السلبيات لسوداننا الحبيب والكثير الكثير من الايجابيات , لان كل بلد ولها ظروفها , فأرجو منك ان تكتب عن الايجابيات كما كتبت عن السلبيات والتي اراها صادقة جزئيا وكاذبة كليا ويكفينا اننا سودانيين وكفي

Mogahid Abujaka

عدد المساهمات : 36
تاريخ التسجيل : 02/03/2010
العمر : 40
مكان الاقامة (البلد /الولاية) : KSA

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ليس لجرح بميت ايلام

مُساهمة  محمد ابجكة في الجمعة يونيو 11, 2010 10:45 pm

الاخ العزيز هندى لك التحية
والله الواحد لما بيقرأ كلامك دا بيتزكر القعدات فى منتدى الدعت فى الامسيات برا فى الحوش وبالذات ايام اول وثانى وثالث العيد والتربيزة امامنا والجردل بتاع الموية وفى بعض الاحيان العود ومعتز التجانى
طبعا منتدى الدعت دا منتدى سياسى وثقافى واجتماعى
زكرنى كلامك دا جلسة قريب دا كان معانا الدعت وزاهر ومحمد الزبير وانس عبدالباقى ومجموعة من الاخوان
كان فيها نفس كلامك دا والكثير من التشاؤم بعدين انت عارف انه يوجد الكثير من الناس( فى سوداننا بس )الواحد لو وقعت حاجة من السما الواحد يقول ليك الله يقطع البلد دى والله يقطع الحكومة دى
انا يا هندى بقول ليك الكلام دا ما معناها انو بلدنا مية مية لكن يا اخى عين ليها سنة 86 و87 ايام بتصحى صلاة الصبح عشان بضعة ارغفة محددة ليك فى بطاقة التموين وايام تبيت فى طرمبة البنزين عشان يصرفو ليك جالونين اسبوعيا ولا توجد شوارع ولا مبانى ولا اى معمار فى البلد
وهسى الحمد لله انا مابقول ليك قارن بلدنا مع امريكا ولا بريطانيا ولا اى بلد تانى اللهم ماشة نحو الاحسن ونحن لازم ننظر لها نظرة تفاؤل ونرى الجانب الايجابى فيها لا اقول اننا ننسى السالب ولكن لما تكون نظرتنا سالبة فقط دى يادابا مرحلة النفسيات والاحباطات وهذه الحالة لما تتمكن من الانسان تسيطر على العقل ويصبح لايرى فى الوجود شيئا جميلا
اخى هندى انا ما زول بلاغة ولا زول كلام اللهم لما قريت كلامك احببت ان اعبرلك عن القليل وما كنت بارد وعلقت ليك على الكلام بتاعك وبرضو انا من السودان

محمد ابجكة

عدد المساهمات : 7
تاريخ التسجيل : 10/06/2010
مكان الاقامة (البلد /الولاية) : الخرطوم

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ليس لجرح بميت إيلام

مُساهمة  اسامة ابوجكة في الإثنين يونيو 21, 2010 5:41 pm

بعد التحية للعم هندى نعم هناك كثير من السلبيات ولكن هناك متعت الإجابيات التى لاتتوفر الا فى هذا الشعب الفريد
قصة مشوار بعد صلات المغرب:-
بعد السلام من صلاة المغرب تقبل الله عن يمنك التاج رحمة الله وعن يسارك عمنا تاج الدين
قبل خروج من بوابة الجامع حوار متعدد الشخصيات كيف الحال وين ماظاهر مبروك المولود كفارة وسلامة قالو لى عاصراك ملاريا
جوار دكان عبد الباقى حوال عن السؤال عن احوال الناس
متقدم الخطوات جوار دكان التجانى حاجة دار النعيم كيف صحتك الله اديك العافة ياود ابجكة
على بعد خطوات ترى امنا بنت المنا تحمل بسلة الاستانستيل ناصعة اللمعان تحمل لبن العائلة من التجانى بعد التحية الله يبارك فيك ياسامة كيف عيالك
نعم ياهند هذه الأشياء والامثلة كثرة من تواصل فى المئاتم وملمات فى الأفراح
حقيقة انها راحة للصدروغسيل للهموم من جرى ومشقة طول اليم وايقاع متسارجدا للحياة
نعم السودان الأن الطالب اذا ماشتغل فى الأجازة مابوفرمتطلباته لامكان فى السودان لى زول مامتحرك هذه الظروف ولدة ايجابات اصبح الواحد عملى فى اى شى اكثر من اللازم
نعم البلد بخير وخيره فى اهلها وناسا
مابقول ليك السودان ينظر له من اعلى او من زوايا السلبات نعم توجد سلبيات ولكن هناك ايجابيات
اشبهه لك (بالحلو مر) يسد الرمق ويملا البطن
تقولى شنو وتقلى من
نحن الشين ونحن الزين
حتى الشاعر قدم الشين على الزين
التحية لك ياهند ولكل الاعضاء

اسامة ابوجكة

عدد المساهمات : 18
تاريخ التسجيل : 19/06/2010
العمر : 51
مكان الاقامة (البلد /الولاية) : الشكابة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حرم الليد دي كعبه

مُساهمة  ابوحسام في السبت يونيو 26, 2010 4:21 am

الاخ هندي اضف الي (لو) بتاعتك دي
لو في واحد قال حرم بتشديد حرف الراء الليد دي كعبه اكيد انت في السودان وبتلعب في البلايستيسن مع عماد موسي ولا اسامه الامام
avatar
ابوحسام

عدد المساهمات : 44
تاريخ التسجيل : 26/06/2010
مكان الاقامة (البلد /الولاية) : الشكابة شاع الدين - الجزيرة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ليس لجرح بميت إيلام

مُساهمة  هندي الزبير في الثلاثاء يونيو 14, 2011 3:01 am


لو كنت ناكر للهوى زيك كنت غفرت
ليك كل العذاب العشتو فى حبك
وكنت حنيت عليك ..

لكنى عايش للهوى ،، لكنى عايش للشقى ..
وكل يوم بترجى فيك ..
ورينى كيف اغفر انت شقاى سببتو بايديك ...

*** *** ***

حاولت اخدع نفسى يا ظالم
واهجر حبى ليك ..
حاولت امنع نفسى منك
وتانى ما امشى واجيك
ورحلت عنك وعن ديارى
وهدمت املنا بيــــك
وبرضو ما قادر اسيبك
لما انساك بشتهيك

بشتهيك مع كل دفقاتى الحنينة
وكل دمعة شوق سجينة ..
تهاتى بيك روحى الحزينة
واشقى لما تهاتى
ورينى كيف اغفر وانت عزاى
وكل آمالى فيك ..

ما كنت قايل انا يوم بلاقى الحب
ولا بكشف دروبو ولا قلبى من شدة
ايباه الاشواق تذيبو ..

لكن غرامك حبة حبة غلانى بنارو ولهيبو
صلانى بنارو ولهيبو ..
وسرقت قلبى يا حبيبى تانى كيف منك اجيبو
وانت يا ناكر غرامو قلبى ما بتسمع كلامو
ودون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو ..
avatar
هندي الزبير

عدد المساهمات : 90
تاريخ التسجيل : 27/02/2010
مكان الاقامة (البلد /الولاية) : شلعوها القحاطنة-ريفى حريملا- K:S:A

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى