المواضيع الأخيرة
بحـث
العيد الشكابي
2 مشترك
صفحة 1 من اصل 1
العيد الشكابي
الواحد لما يلقي ليو واحد من اقاربو وأهلو وناسو ببقي زي شافع جابو ليو هدوم العيد وراجي الصبح عشان يلحق دقة النحاس علي أمل أنو يلقي فرقة ويبداء ينقر, ولكن دة مابتم بالساهل لانو في ناس حريفة في دق النحاس أمثال الخليفة حمد ودعلي وعمك قسم اللة ودنيلة (رحمة الله) مرورا بعجب الاهل وعبد الغني حاج النيل ومن اللة (وهؤلاء اميز دقاقين للنحاس حسب رأي منذ كنت أتابعهم طفلا) , والقائمة تطول حتي الصغار في بلدتي يجيدون دق النحاس وهو رمز عزتنا وقيادتنا لخط الكواهلة ومعة ديوان البي (المحكمة الاهلية في الزمن الادارة الاهلية) الكملت وكما قال ود الرضي وهو يرثي حال البلد بعد حل الادارة الاهلية :
الاهلية كملت ياحبيب راحت
ياحليل شمس المحنة الغربت طاحت
نرجع لي موضوعنا وهو صباح العيد الشكابي , أها بعد دق النحاس الناس تمشي تجهز لصلاة العيد والكل يكبر بنغمة لم تسمع أذني مثلها شعرت جلدك تكلب معاها وعمك عبدو الصوفي وقسم اللة ودنيلة (رحمهما الله) يتناوبون عليها وحين تحين الصلاة يأتي الامام عمك أحمد ود البقاري (يابا) وهو مطبق للسنة وهو أول مايفطر يوم عيد رمضان علي البلح وبرضويأتي للصلاة من شارع للصلاة ويرجع من شارع أخر , يأتي من الشارع بين بيت ناس شايبو ويوسف صديق وبمجرد رؤيتة يسطف الناس للصلاة وهو مشهور بالصلاة الخفيفة ويرجع بالشارع بتاع ناس عمك عبد الغني ود الدقر يلا بعد الصلاة والخطبة وفي منظر يسر العين والبال والضمير تصافح جميع ناس الحلة في الميدان تتبداها من اقصي الجنوب جهة ناس حجاري , المشهورون بالصلاة في الجزء الجنوبي كل من (حكة ,عباس جابر, عباس دفع اللة , صديق حاج النيل , عمك ابجكة (رحمة الله) النور ابجكة ويوسف ابجكة , عمر بابكر ) وتكرها لي أقصي الشمال المشهورون بالصلاة فية(النعمانيين وآل شايبو وحاج الشايب (رحمة الله) وأولادة) , وبعد دة كلو تمشي تاني تلف الحلة بيت بيت لحدي ماالواحد الفتر والتعب يتملك منو , لكن الواحد مابضوق الغمدة عشان في لعبة في الميدان الساعة اربعة وتسمع الصفارة تضرب قبل صلاة العصر وتمشي الميدان تلقي الناس قاعدة كيمان كيمان , داك عمك البدوي ود الزهرا ومعاو عمك عبد الباقي ودالزهرا وداك هناك عمك الزبير وتاج الدين أولاد أبراهيم ود شاع الدين ومعاهم شلتن وللتاريخ دي أعظم شلة مرت علي الشكابة ومكونة بالأضافة الي الزبير وتاج الدين , نطلع (عمك) برة القوس (أحمد جاد اللة (رحمة الله )واخو أمحمد ودجاد اللة , حمد ود ابرزوق , أبجكة ( رحمة اللة) اللاقيدو (رحمة الله) والفضل ود فضل المولي , وأمحمد ود حمد) وديل كانو المكونين لاول جمعية تعاونية في الحلة وأنشاوا كما حكي لي جدي رحمة الله (أبجكة) الطاحونة والطابونة وكان معهم المرحوم صديق جاد اللة(رحمة الله) ولم نعاصرة وأيضا المرحوم شيخ يوسف رحمه الله , شايف طلعت برة الموضوع عدييييل لكن والله الشلل الكانو بكونوها أبواتنا وأجدادنا كانت مكيفاني شديييييد عموما برجع ليا في بوست تاني يلا نواصل التمرين
التشكيلة مكونة من الحارس دفع اللة عبد الرحمن مدني ومعاهو طارق صديق في الجانب التاني أو هندي الزبير أو هاشم الجبل وعمران النور الفتة , ومرات مرات بلة عبد السيد لمن يحس بروحو شباب وداير يتذكر ايام زمان وفي الدفاع كابوسة ولاتو وفيصل ابراهيم وباشا والسر مصطفي والسر مالك (والمرحوم عيطة يكورك ليو بصوتو المميز سسسسر مالك قالت ليك أمك ماتشرب عرقي أشرب مريسة) وحكة وخالد رحمة اللة والباقر عبد الباقي وطارق الزبير وفي الوسط تنقو ولمعي عادل بابكر (النقر) وبدر الدين أبراهيم ومرات مرات منذر أحمد بابكر في الاجازات وعلي الاطراف جميل الضو قسم وفي الهجوم الدحيش (فايز لانو نحن اولاد صغار ماشفنا عصام وغيرو من جيلو) ديل الناس الكانو بلعبو عموما ماتشكيلة المباراة وبعد داك ينتهي , يبقي العيد ما أنتهي ونحن نمشي ننوم بس بدري , ودي حالة أول يوم في العيد في فترة التمانينات
الاهلية كملت ياحبيب راحت
ياحليل شمس المحنة الغربت طاحت
نرجع لي موضوعنا وهو صباح العيد الشكابي , أها بعد دق النحاس الناس تمشي تجهز لصلاة العيد والكل يكبر بنغمة لم تسمع أذني مثلها شعرت جلدك تكلب معاها وعمك عبدو الصوفي وقسم اللة ودنيلة (رحمهما الله) يتناوبون عليها وحين تحين الصلاة يأتي الامام عمك أحمد ود البقاري (يابا) وهو مطبق للسنة وهو أول مايفطر يوم عيد رمضان علي البلح وبرضويأتي للصلاة من شارع للصلاة ويرجع من شارع أخر , يأتي من الشارع بين بيت ناس شايبو ويوسف صديق وبمجرد رؤيتة يسطف الناس للصلاة وهو مشهور بالصلاة الخفيفة ويرجع بالشارع بتاع ناس عمك عبد الغني ود الدقر يلا بعد الصلاة والخطبة وفي منظر يسر العين والبال والضمير تصافح جميع ناس الحلة في الميدان تتبداها من اقصي الجنوب جهة ناس حجاري , المشهورون بالصلاة في الجزء الجنوبي كل من (حكة ,عباس جابر, عباس دفع اللة , صديق حاج النيل , عمك ابجكة (رحمة الله) النور ابجكة ويوسف ابجكة , عمر بابكر ) وتكرها لي أقصي الشمال المشهورون بالصلاة فية(النعمانيين وآل شايبو وحاج الشايب (رحمة الله) وأولادة) , وبعد دة كلو تمشي تاني تلف الحلة بيت بيت لحدي ماالواحد الفتر والتعب يتملك منو , لكن الواحد مابضوق الغمدة عشان في لعبة في الميدان الساعة اربعة وتسمع الصفارة تضرب قبل صلاة العصر وتمشي الميدان تلقي الناس قاعدة كيمان كيمان , داك عمك البدوي ود الزهرا ومعاو عمك عبد الباقي ودالزهرا وداك هناك عمك الزبير وتاج الدين أولاد أبراهيم ود شاع الدين ومعاهم شلتن وللتاريخ دي أعظم شلة مرت علي الشكابة ومكونة بالأضافة الي الزبير وتاج الدين , نطلع (عمك) برة القوس (أحمد جاد اللة (رحمة الله )واخو أمحمد ودجاد اللة , حمد ود ابرزوق , أبجكة ( رحمة اللة) اللاقيدو (رحمة الله) والفضل ود فضل المولي , وأمحمد ود حمد) وديل كانو المكونين لاول جمعية تعاونية في الحلة وأنشاوا كما حكي لي جدي رحمة الله (أبجكة) الطاحونة والطابونة وكان معهم المرحوم صديق جاد اللة(رحمة الله) ولم نعاصرة وأيضا المرحوم شيخ يوسف رحمه الله , شايف طلعت برة الموضوع عدييييل لكن والله الشلل الكانو بكونوها أبواتنا وأجدادنا كانت مكيفاني شديييييد عموما برجع ليا في بوست تاني يلا نواصل التمرين
التشكيلة مكونة من الحارس دفع اللة عبد الرحمن مدني ومعاهو طارق صديق في الجانب التاني أو هندي الزبير أو هاشم الجبل وعمران النور الفتة , ومرات مرات بلة عبد السيد لمن يحس بروحو شباب وداير يتذكر ايام زمان وفي الدفاع كابوسة ولاتو وفيصل ابراهيم وباشا والسر مصطفي والسر مالك (والمرحوم عيطة يكورك ليو بصوتو المميز سسسسر مالك قالت ليك أمك ماتشرب عرقي أشرب مريسة) وحكة وخالد رحمة اللة والباقر عبد الباقي وطارق الزبير وفي الوسط تنقو ولمعي عادل بابكر (النقر) وبدر الدين أبراهيم ومرات مرات منذر أحمد بابكر في الاجازات وعلي الاطراف جميل الضو قسم وفي الهجوم الدحيش (فايز لانو نحن اولاد صغار ماشفنا عصام وغيرو من جيلو) ديل الناس الكانو بلعبو عموما ماتشكيلة المباراة وبعد داك ينتهي , يبقي العيد ما أنتهي ونحن نمشي ننوم بس بدري , ودي حالة أول يوم في العيد في فترة التمانينات
Mogahid Abujaka- عدد المساهمات : 36
تاريخ التسجيل : 02/03/2010
العمر : 46
مكان الاقامة (البلد /الولاية) : KSA
رد: العيد الشكابي
مرحباً بك يا مجاهد ورجعتنا لزكريات راسخة في اذهاننا وبقت للواحد كأمنية ان يحضر كل عيد في الشكابه مع أهله ووسط عشيرته وطبعاً عيد الغربة تصلي صلاة العيد وتجي تكمل نومك ، وزكرتنا بفريق الشكابه الأول يوم كنا نردد بالطول بالعرض شكابه تهز الأرض .. وحابي أذكرك بانك نسيت أهم كوادر فريق الشكابة في ذلك الزمن كابتن الفريق فتاح بابكر محمد دفع الله وقلب الدفاع المغوار زكي عمر حمد الحاج والفردة المحترف في صفوف فريق الأبحاث الزراعية محمد عمر حمد الحاج والحارس المحترف في فريق مايو عمر عبد المحمود والشبل المحترف في فريق النجوم شوقي عمر حمد الحاج ونسينا الجناح الطائر اللفت عباس بابكر محمد دفع الله والفرده المتألق عماد عبد المنعم والقشاش نادر عبد المنعم والفرده المتألق دائماً أيمن فضل الله ومحمد عبد الباقي وعادل صباح الخير وعزو العرب الضو وأسامه الزبير والبدياني يونس نجم فريق قدام والنزير أحمد جاد الله وعماد عمر .. وإن شاء الله سوف نقوم أنا والأخ هندي الزبير بسرد كل السيره العطره لمنتخب الشكابه شاع الدين وعرض إنجازته وبطولاته وعرض أسماء اللاعبين في المنتدى الرياضي للشكابة شاع الدين وياريت تشاركنا في الجهد وما تنسى موضوع شجرة العائلة ..
عدل سابقا من قبل الوسيله بابكر في الثلاثاء يوليو 06, 2010 10:15 pm عدل 2 مرات
الوسيله بابكر- عدد المساهمات : 19
تاريخ التسجيل : 07/02/2010
مكان الاقامة (البلد /الولاية) : المملكة العربية السعودية - الرياض
الذاكرة الخربة
الحبيب تربيع الوسيلة تحياتي لك ولكل الاخوة , حقيقة بتأسف لكل العقد الفريد الذكرتو وماكان القصد النسيان ولكن انا اكتب من الذاكرة وهذا ما التصق بها جيدا , وكما أن عجب الاهل وعبد الغني ومن اللة ليس وحدهم من يجيدو دق النحاس ولكن هذا ايضا بعض ما التصق بالذاكرة الخرفة فلهم منا جميعا كل تقدير
مع خالص ودي وأحترامي
مع خالص ودي وأحترامي
Mogahid Abujaka- عدد المساهمات : 36
تاريخ التسجيل : 02/03/2010
العمر : 46
مكان الاقامة (البلد /الولاية) : KSA
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أغسطس 20, 2012 1:29 pm من طرف هندي الزبير
» شهر رمضان المبارك
الأربعاء يوليو 25, 2012 5:18 am من طرف الوسيله بابكر
» موضوع دمه تقيل
الأحد يوليو 22, 2012 10:28 pm من طرف ابو تمام جعفر
» ادب الحماسة وأثره في انسان السودان
الثلاثاء يونيو 05, 2012 4:22 pm من طرف هندي الزبير
» شعر في قبيلة الكواهلة
الأربعاء أبريل 25, 2012 4:50 am من طرف زاهر محمد
» أجمل الكلمات وأصدق العبارات (1)
الأربعاء فبراير 01, 2012 3:50 am من طرف عيدالله البلك
» مبروك التأهل للدرجة الثالثة
الإثنين يناير 30, 2012 3:28 pm من طرف الوسيله بابكر
» قصة رجل بناء
السبت يناير 28, 2012 5:59 pm من طرف عبدالله بابكر
» ]درر من كلام العلمــــاء
الجمعة ديسمبر 16, 2011 5:50 pm من طرف عمر محمد يوسف