( العز بالاهل)

الاهل اللاعزاء سلام من الله عليكم بقدر عظمتكم
ولو سمحتوا لى شويه اعبر ليكم بالدارجى عن اشياء تنتابنى كلما دخلت المنتدى
والله ااا ناس قدر مااخش المنتدى شعرت جلدى تكلب وتكلب دى اظن اتشرحت قبل اليوم .وغير ما اقعد ابحلق فى الناس
ديل ما عندى شغلة .الموضوع البكون جاى بيهو من هناك بنساهو والشعور شنو زى دموعك دايره تجرى ولا ماقادر اعبر
وبالرقم من انو الواحد ما بغيب من الحله كتير لو بالغ خلاص شهر الكلام دا اخونى المغتربين ما يحسبو كتير انتو كمان لو عندكم طريقه تجو كل اسبوع واقول انا قعدت فى الامارات 45 يوم دى اطول فتره غبت فيه عن الحله وبكرر اسفى للمغتربين.وارجع ليكم تانى للموضوع . بس الحاجه بتاعة الاحسا س وانا داخل المنتدى متاكد انها بتكون عند اى واحد فيكم لكن اكون انانى شويه اخوكم عندى شويه حاجه خاصه للاهل والانتماء للقريه العملاق بكم .
فطلب خاص من اخوكم ما تنقطعو وربنا يدوم المحبه والاشياء الجميله الرابطانا دى
واختم :-
تابى الرماح ادا اجتمعن تكسرا وادا افترقن تكسرت احاد

ياعلي احساسك وصل وانا متاكد يكون عند اي واحد من اخوانا الاعزا في المنتدئ الجميل دا. ربنا يديم التواصل والله انا لما سمعت بالمنتدئ دا ومجرد مادخلت كلمه الشكابه في محرك البحث google وجاتني كميه من المشاركات من هذا المنتدئ شعرت بفرحه شديده انو اخيرا بقينا نشغل حيز من الشبكه العنكبوتيه ولو يسير. من هذا المنتدئ بنعرف اخبار اخوانا البعيدين مننا والقراب والله المنتدئ فيهو فوائد كتيره لوعرفنا كيف نستفيد منها .

ياعلي وين مسجل غياب

بسم الله الرحمن الرحيم
الاخ علي ابترس والله كلامك مره جميل وبنتمنا المنتدي يكبر ويكبر
45 يوم معادله غير موزونه مع اشجان الغربه العايشنها نحنا
بامكانك ان تبدا المعركه مع الغربه من جديد ولكن هذه المره ضع نصب عينيك علي الشكابه ولا تستسلم لهزيمه الغربه ادفع بالمك واحباطك وقلقك وحزنك وجروحك بعيدا عن الحله فالحله كنز ثمين لاتستحق ان تضيعها بين هاويات الغربه
اخوانك نزار الباشا _ هيثم سجن _ شاكر عبدالرحمن _ ابوذر جعفر